قالوا لي العبْ قلتْ ماني بلعوب إلَّا مَزوحٍ عند صافِي الجبينِ(ي)
ألاعبه وأفرح إلـى صرت مغلوب وأشوف وجهه لي غلبني يزيني
وأطرب على ضحكه وهو حيل طَروب وأنادِمه في لحظة أحلى سنيني
يضحك بي الشامت إذا قلت ما أتوب ويحزن صديق العمر مما يجيني
===========
قال طلال الرشيد:
سميتني نصفك الثاني ويا شِحك! أنا بسميك كلي وانت معناها
تعبت أوديك له يا قلب ويردك لا اخذ حلومي ولا خلاني أنساها
كل الحمام ناح واستراح في ظلك، والورد الأصفر سقته الروح من ماها
ليتك بعمري ثلاث أشخاص ما أملِّك، واحد معي دوم، واحد روحي يملاها
والثالث بجفن عيني لا فقد حسك، أو غمض الجفن جاني فيك يتباهى
مو بس أحبك… أنا والله من حبك أحب حتَّى ثرى الأرض اللي تطاها
يقول سعيد الحمالي:
مواصل الغالين ماهو على طول حتى ولو كنا نبيك وتبينا
حتى المطر لا زاد عن حده نقول عسى حوالينا ولا هو علينا
يقول مشعل بن سابر
يالله عسى من تركني ساعة الشدّه تحدّه ظروف وقته لين ياتيني
حتى إنّي أعطيه مطلوبه ولا أردّه ويشوف فرق المراجل بينه وبيني
أنا رفيقي على العسرات ما احدّه أدرى رفيقي مثل ما ادرى على عيني
وأنا رفيقي ليا شفت الزمن ضدّه أقوم في واجبه من قبل يدعيني
وإن كان لا جاء لزومي يقدر يسدّه وألاّ ترى العذر لا جاء منه يكفيني
ما يوجع الكبد كود البور والصدّه من واحدٍ يقدر وما قام يسقيني
يقول مساعد الرشيدي
يا ذيب ياللِّي بالحنايا لك قنيب أتلفتني بعواك يامال التلف
دوِّر لجوعك رجم ولهمِّي شعيب ودور لعيني نوم لو كانه سَلَف
من بارحةْ الاُولى وانا أودِّي واجيب طواريٍ منها شعر رأسي وقف
